إيـاك تـلومنى
إياك تلومنى أو تقول إنى قسيت
دا انا خايف اسأل عن هوانا تقول نسيت
بس بينى و بين نفسى بقول انك واحشنى
نفسى تسمعها يا ريت
نفسى توصلك يا ريت
إياك تلومنى ع الفراق أو ع البعاد
دا انا نبض قلبى فى اشتياق ذكرى الميعاد
بس بينى و بين نفسى بقول انك جارحنى
نفسى ترجعلى يا ريت
من غير ما تجرحنى يا ريت
إياك تلومنى إكتفيت شكوى و ملام
دا انا حلم عمرى لو يعود ورد الغرام
أصل بينى و بين نفسى بقول انى بحبك
نفسى تفهمنى يا ريت
دا انت نفسى لو هويت
أحـمـد فــؤاد عـبـد الـمـنـعـم
( شـاعــر الــمــظـالــيــم )
ليست هناك تعليقات:
إرسال تعليق